Nora Malaj deputete e LSI-së e ftuar në Fax News u shpreh se qeveria nuk e ka të qartë se cilat janë politikat e punësimit dhe se nuk po flasim për luks jetese, po për nivelet bazike të mënyrës së të jetuarit.
“Skema e ndihmës ekonomike hyri si projekt pilot 3 mujor dhe asnjëherë nuk u bë e qartë, se cfarë rezultesh solli. Në fund të vitit 2017 kaluam projekt buxhetin për ndihmën ekonomike dhe nuk u tha qartë cili do të ishte projekt buxheti, dhe si do të aplikojnë qytetarët.
Po flasim jo për luks jetese, po për nivelet bazike të mënyrës së të jetuarit, që shoqëria e ka domosdoshmëri. Qeveria nuk e ka të qartë se cilat janë politika e punësimit. Kjo është një qeveri me një program të paqartë,të pa buxhetuar dhe i pa menaxhuar.
Buxheti i vendit nuk është buxheti i kryeministrit. Kjo do të thotë se ka ardhur momenti kur qeveria duhet të ndryshojë mënyrën e zgjidhjes së problemeve, jo të kthehet në uzurpatore të qytetarëve.”
(M.Q/Faxweb)
