Pas bujës që bëri në media lajmi për vendosjen e tabelave në gjuhën greke në Bashkinë e Finiqit, dhe reagimit të qytetarëve, Policia e Shtetit ka marrë për heqjen e tyre.
Në një aksion të ndërmarrë mbrëmjen e djeshme nga polica në këtë zonë janë hequr të gjitha tabelat në gjuhën greke duke e lënë zonën pa sinjalistikë rrugore.
Lidhur me këto zhvillime ka reaguar edhe kryetari i Bashkise Finiq, Leonidha Hristo ku lajmëron se nga ana e tij po kontrollohet situata me kujdes dhe përgjegjësi.
“Ju falenderoj ngrohtësisht për mesazhet e shumta që më keni dërguar këto ditë në lidhje me ngjarjet e fundi,t po e kontrollojmë situatën me kujdes dhe me ndjenjë përgjegjësie”, shkruan Hristo.
Kujtojmë se për një fakt të tillë ka reaguar pasditen e djeshme edhe kryetari i Partisë Drejtësi Integrim dhe Unitet, Shpëtim Idrizi i cili e ka cilësuar një akt të tillë provokim të pastër ndaj shtetit shqiptar, ndërsa është shprehur se kjo është një paaftësi e qeverisë dhe se gjithçka është bërë me lejen e kryeministrit Rama. (lexo këtu)
(F.GJ/FAXWEB.AL)
Discussion about this post