Garda e Republikës ka dhënë shpjegime për heqjen e shërbimit të ruajtjes fizike të ish-kryeministrit Sali Berisha.
Duke ju përgjigjur interesit të mediave, Garda sqaron se kryeministri i vendit përfiton shërbim ruajtje për një periudhë 3-vjeçare pas përfundimit të detyrës.
Ajo njofton zyrtarisht se për këtë arsye është ndërprerë vijimi i mëtejshëm i këtij shërbimi.
Deklarata e plotë e Gardës së Republikës:
Në përgjigje të interesit të disa mediave, lidhur me truprojet e zotit Sali Berisha, Garda e Republikës informon se në zbatim të Nenit 5, të Ligjit Nr. 8869, datë 22.5.2003 “Për Gardën e Republikës së Shqipërisë” i ndryshuar, ku përcaktohet se Kryeministri i vendit përfiton shërbim ruajtje për një periudhe 3-vjeçare pas përfundimit të detyrës, është ndërprerë vijimi i mëtejshëm i këtij shërbimi.
Nërkohë që Garda deklaron se në bazë të Nenit 5, të Ligjit Nr. 8869, datë 22.5.2003 “Për Gardën e Republikës së Shqipërisë” i ndryshuar, ku përcaktohet se Kryeministri i vendit përfiton shërbim ruajtje për një periudhe 3-vjeçare, ky institucion nuk jep shpjegime se pse vendimi për heqjen e truprojeve të Berishës duhej të merrej sot, ndërkohë që ky i fundit ka 5 vite që nuk është më Kryeministër.
(F.GJ/FAXWEB.AL)
