Rovena Voda, zëvendësministrja e punëve të Brendshme ka qenë e ftuar sot në emisionin e mëngjesit në ‘’Fax News”. Voda ka folur në lidhje me largimet e shqiptarëve në drejtim të vendeve të BE-së për të kërkuar azil.
Zëvendësministrja u shpreh më tej se nuk ka asnjë shans që shqiptarët që kanë shkuar atje të qëndrojnë në vendet ku kanë shkuar dhe herët apo vonë do të kthehen.
“Vendet që kthejnë më shumë sot për sot është Franca dhe Gjermania. Për momentin duket se ka një ndryshim të rendit dhe vendi më i preferuar është kthyer Britania e Madhe. Unë nuk kam dijeni në lidhje me këtë rast, po do të interesohem pranë ambasadës franceze. Këtu ka ardhur si lajm nga mediat fakti se Hollanda kërcënon që të heq vizat për shqiptarët. Sigurisht që ka një reagim të Parlamentit hollandez po që nuk ka asnjë lloj kërcënimi. Ekzistojnë zyrat e pritjes për të gjithë të kthyerit nga vendet ku kanë kërkuar azil”, u shpreh Voda.
Më tej Xhaxhiu e pyeti në lidhje me një shkrim në media për faktin se për shtetasit nga Kolumbia janë hequr vizat. Voda u shpreh se kjo është normale dhe herë pas here ka një listë vendesh që ju hiqen vizat për të dhënë një shtysë për turizmin.
“Ne kemi një listë të vendeve për të cilat nuk kanë nevojë që të kenë viza që të hyjnë në vendin tonë. Kështu që edhe Kolumbia këtë vit bën pjesë në këtë listë, po nuk ka asnjë të vërtetë në lidhje me trafikun e mundshëm”, u shpreh më tej zëvendësministrja.
(E.K/FAXWEB)
Discussion about this post