“Hera e parë duhet të jetë e paharrueshme, speciale dhe me personin e duhur”, kështu niste spoti i radhës publicitar i Partisë Socialiste në këtë fushatë zgjedhore, të cilin kryeministri Edi Rama e publikoi pak orë më parë.
Mirëpo kjo nuk i ka pëlqyer ndjekësve të tij në Facebook, të cilët janë ankuar për përmbajtjen.
Një qytetar shkruan se çfarë nënkupton zonjusha me herën e parë, që duhet të jetë me personin e duhur. Madje ankohet se përse i ka fshirë një koment të mëparshëm. Rama përgjigjet se stafi i tij nuk pranon komentet fyese.
BISEDA:
KOMENTUESI 1: Çfare kupton kurr thote zonjusha hera e pare duhet te jete me personin? Se ky kryetari juaj ma fshiu komentin mua
RAMA: Claydee une nuk fshij komente se nuk e kam ate detyre, kjo faqe ka nje Roje te Etikes dhe kush shkruan mbrapshtira ketu, ne fillim i fshihet komenti pastaj percillet jashte! Kjo eshte faqe per miqte qe mund te kritikojne e te bejne humor sa e duan, edhe duke qene jovotues te mite, po ama kur kalohet limiti i lejuar e humbet e drejten e kesaj shoqerie ketu
KOMENTUESI 2: A mund te votojmë nga jasht shtetit pa ardhur ne Shqipëri ? na tregoni ne se ashte mundesija
RAMA: Nuk mundet po mund te ngresh telefonin dhe t’i besh 10 vota te sigurta qe andej duke folur me njerezit e tu ketu Shume faleminderit
PËRMBAJTJA E VIDEOS
“Hera e parë duhet të jetë e paharrueshme, speciale… duhet të jetë me personin e duhur, atë që mendon për ty, për të ardhmen tënde, që të ofron siguri. Për atë që flet për punësim, arsim, shëndetësi, që garanton drejtësi në fund të fundit.
E mbaj mend shumë mirë herën time të parë, u futa në klasë, në dhomën e fshehtë dhe votova Edi Ramën dhe kam bërë zgjehdjen e duhur”, thotë vajza e re në spot. (D.D/Shuplaka)
