Për herë të parë që pas pavarësisë së Maqedonisë nga Ish-Jugosllavia, një shqiptar do të jetë në krye të Ministrisë së Punëve të Brendshme. Zëvendësministri Agim Nuhiu ka marrë sot postin e ministrit dhe vjen në vendin e Oliver Spasovskit.
Ky vendim rrjedh nga Marrëveshja e Përzhinos që kanë arritur liderët e katër partive më të mëdha politike në vend.
“Koshient për periudhën kur do të udhëheq me Ministrinë e Punëve të Brendshme, do të bëj përpjekje maksimale që me këtë vendim të jenë të kënaqur të gjithë qytetarët e Maqedonisë pa marrë parasysh përkatësinë e tyre nacionale, fetare, partiake dhe sociale. Do të angazhohem për kultivim të profesionalizmit, respektimit të vlerave kushtetuese dhe standardeve thelbësore në suaza të kompetencave tona, si në sferën e sigurisë shtetërore, ashtu edhe në sigurinë publike”, deklaroi Nuhiu pas marrjes së detyrës.
Sipas tij, të punësuarit në MPB dhe të gjithë të tjerët duhet të jenë të vetëdijshëm se kanë detyrim shtetëror që t’i mbështesin vlerat në çdo segment në MPB në frymën e Marrëveshjes së Ohrit dhe të kontribuojmë fuqishëm për integrimin e RM-së në strukturat euroatlantike si alternativë e vetme dhe perspektivë e shtetit tonë. (A.R/SHUPLAKA)
