Ministri i Propozuar për Çështjet Vendore Eduart Shalsi, flet për herë të parë për shkarkimin e ministrit Bledi Çuçi dhe arsyet e këtij vendimi të kryeministrit Edi Rama.
I ftuar në “Tonight Ilva Tare”, Shalsi u shpreh se Çuçi ka më shumë sfida sesa ai, lidhur me drejtimin e qarkut për të cilin është përgjegjës, lidhur me fushatën politike.
Jo, besoj se Çuçi ka një funksion shumë të rëndësishme, është përgjegjës për një qark ddhe ka më shumë sfida se sa kam unë, kështu që edhe për shkak të impenjimit tim maksimal do duhej të mos hiqnim dorë nga gjithçka është bërë dhe po bën ministria në vitet në vijim.
Shalsi flet edhe për detyrat e tij të ardhshme si ministër i Çështjeve Vendore.
“Të vijoj punën e paraardhësit tim, në vitin 2015 patëm zgjedhjet para vendore, patëm një reformë të jashtëzakonshme e cila duhet të vijojë gjatë këtyre dy viteve, por pavarësisht përpjekjeve titanike jemi ende larg shërbimeve që do të donim të ofronim. Një reformë e përmasave të tilla, do thoja një transformim revolucionar të organizimit të pushtetit vendor.
Falë një bashkëpunimi të ngushtë me donator të huaj por ka edhe iniciativa të tjera, që presin të marrin udhë dhe të zhvillohen, thjesht do vazhdojë atë shtrat të shëndetshëm në të cilin është futur procesi i transformimit të organizimit të pushtetit vendor.”, shprehet Shalsi.
Lidhur me shkarkimin e bujshëm të katër ministrave, Çuçi shprehet se kjo është një lëvizje politike me të cilën shqiptarët nuk janë mësuar.
“E vërteta është se ka një lëvizje me të cilën shqiptarët nuk janë mësuar. Tre muaj para zgjedhjeve, 4 ministra i lënë vendit 4 të tjerëve për t’u vendosur në shërbimeve në zgjedhjeve në qarqe. Kemi një lëvizje, e cila i jep mundësi 4 ministrave të drejtojnë full-time qarqet. Ajo që mua më rezulton si shqetësim i socialistëve, është vendosmëria dhe vijimi i proceseve transformuese që kemi marrë përsipër. Është një ngjarje me të cilët shqiptarët nuk janë mësuar. Janë mësuar me ministra të dështuar që qëndrojnë në karrige. Është hera e parë që një ministër i suksesshëm detyrohet të lërë karrigen për një funksion tjetër.”, shton Çuçi. (D.D/Shuplaka)
