Pas vrasjes së 35-vjeçarit grek Kostantinos Katsifas nga forcat RENEA, të tjera detaje janë zbuluar nga mediet greke lidhur me të shkuarën e errët të tij.
Sipas EL.AS, greku 35-vjeçar ishte person me precedentë penal në Athinë. Ai u arrestua në vitin 2008 për posedim dhe trafikim mbi gjysmë kilogram hashash në Halandri.
Kujtojmë se mediet greke e kanë quajtur Katsifas si hero, ndërsa autoritetet kërkuar sqarime nga pala shqiptare, ndërsa kryeministri Rama kërkoi që fqinjët në vend që të mbrojnë kriminelin, të bashkohen në falënderime që nuk humbën jetë të pafajshme.
Kujtojmë se 35-vjeçari grek që hapi zjarr sot ndaj policisë shqiptare e kishte paralajmëruar sulmin e tij 5 ditë më parë, në datën 23 tetor, përmes një postimi në rrjetet sociale.
Teksa shfaqet duke pozuar me flamurin e Viorio-Epirit, duket se i riu ka paralajmëruar ngjarjen në fjalë, ai shkruan “Grek ose vdekje”.
“Rama dhe Tsipras bëjnë plane pa nikoqirët. Për një gjë të jeni të sigurt. Rinia e Vorio Epirit nuk do të qëndrojë spektatore (nuk do bëj sehir). Thirren të gjithë grekët e Vorio Epirit që në 28 Tetor të dërgojnë një mesazh në çdo anë. Grek ose vdekje!”, shkruan Kostandinos Kaçifa në Facebook.
Pas breshërisë me kallashnikov mbi policinë e Gjirokastrës, në operacion janë angazhuar forcat RENEA nga Tirana për kapjen e tij. Vendodhja e tij u lokalizua e më pas si pasojë e të shtënave mbeti i vrarë Kostantinos Katsifas.
Katsifas qëlloi me armë zjarri ditën e some në Bularat drejt policisë shqiptare, ndërsa po zhvillohej ceremonia për ushtarët e rënë grekë, gjatë luftës së dytë botërore.
(B.B/ Faxweb.al)
Discussion about this post