Një sasi lënde narkotike është bllokuar në portin e Durrësit. Bëhet fjalë për 2 kg e 300 gramë lëndë narkotike e dyshuar si heroinë. Sasia e drogës ishte mbështjellë në 4 pako me letër celefoni.
Të arrestuar kanë mbetur Laureta Lama 38 vjeçe dhe Bashkim Hasani 67 vjeç. Droga u gjet në valixhen e Lamës.
Ndërkohë është shpallur në kërkim një tjetër, shtetasi me inicialet E.Ç. 29 vjeç.
Mbrëmjen e djeshme në Pikën e Kalimit Kufitar Durrës, në bazë të informacioneve të marra në rrugë operative, gjatë kontrollit të ushtruar në tragetin e linjës Durrës-Bari, në dhomën ku ishin akomoduar për udhëtim shtetasit e arrestuar, në valixhen e Laureta Lamas, u gjet një çantë dore, në brendësi të së cilës, u gjetën dhe u sekuestruan në cilësinë e provës materiale 4 pako të mbështjella me celefon, me peshë rreth 2 kg e 300 gr lëndë narkotike e dyshuar e llojit Heroinë.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale “Trafikimi i narkotikëve”në bashkëpunim, e mbetur në tentativë. (E.K/SHUPLAKA)
Discussion about this post