Drejtori i Teatrit Kombëtar Hervin Çulit nuk i ndahet debateve. Mbrëmjen e sotme ai dhe aktori i njohur Genci Fuga, debatuan ashpër lidhur me mënyrën e trajtimit të aktorëve, pagat dhe shpërblimet.
Ndërkohë që aktori fliste dhe tregonte se ndihej i fyer për mënyrën e trajtimit nga ky institucion, Çuli i ka ndërhyrë në bisedë.
DEBATI
Fuga: Nuk jam këtu për të bërë sindikatë. Unë kam një çështje të vogël. Në momentin që kryetari i qeverisë, jo i shtetit thotë me të madhe që “Jemi keq” dhe unë kontribuoj me aq sa mundem. Unë nuk dua që të më përsëritet shprehja: “Shekspirin e vumë falas. Çehovin e vumë flas. Ia luajtëm fenë. Kjo është fyerje jo për ditën time, jo për rrogën time”.
Çuli: Më thuaj sa duhet të jetë shpërblimi? Ore ta dimë hapur sa lekë duhet të jetë ky shpërblim? Se ka një shpërblim që shkon te aktori i parë në 3 milion e 500 mijë lekë.
Pas kësaj Fuga ngrihet në këmbë për të ikur, por ndërhyn drejtuesja e emisionit: “E nisëm këtë bisedë duhet ta çojmë deri në fund.”
Fuga: Zotëria në fjalë (Çuli) na u paraqit si drejtor i Teatrit Kombëtar, si ministër i Kulturës, si përpunues i politikave… të lutem më lër të mbaroj!”
Çuli: Qetësohu! Mos merr kot! Qetësohu!
Fuga: Atë nuk e përcakton ti! …së fundi mori edhe atributet e Ministrit të Financave. (D.D/Shuplaka)
Discussion about this post