Pasditen e djeshme në veri të Mitrovicës nga Njësitet Speciale të Policisë së Kosovës, u arrestua Drejtori i Zyrës për Kosovën në Qeverinë e Serbisë, Marko Gjuriq, pasi kishte hyrë ilegalisht në territorin kosovar.
Presidenti, Hashim Thaçi, kërkoi që të mbahet qetësia, ndërkaq kryeparlamentari Kadri Veseli, theksoi se Kosova është vend që ka kush i del zot por ajo që ka bërë përshtypje është heshtja e Hradinajt. Megjithatë Muharrem Nitaj i AAK në një reagim të tij ka shprehur dyshime të forta në lidhje me gjithë ngjarjen.
Po mundehem ta kuptoj atë që ndodhi sot në Mitrovicë, e s’po muj i bi në fije. Mu duk sinjifikative një deklaratë e Pacollit, e thënë disa orë para arrestimit të Gjuriqit se ai nuk ka leje dhe nëse hyn në Kosovë, do të arrestohet!
Ishalla është siç po kujtojnë shumica, por seç e kam një dyshim për gjithë këtë ngjarje, ka shkruar ai.
Në gjithë ngjarjen, edhe Lista Serbe, deklaroi se do të tërhiqet nga koalicioni qeverisës në Prishtinë – që do të nënkuptonte rrëzimin e Qeverisë Haradinaj.
Discussion about this post