Komisioni Hetimor për Çështjen e ÇEZ i ka dërguar një fletë-thirrje sekserit të marrëveshjes Nue Kalaj, ku i kërkon të paraqitet në cilësinë e dëshmitarit.
Por ama, në zarfin e Postës thuhet se Nue Kalaj është larguar nga Shqipëria.
Nue Kalaj u thirr nga komisioni hetimor për privatizimin e ÇEZ-it disa ditë më parë, por nuk u paraqit në mbledhje.
Taulant Balla deklaroi është kërkuar që të dëshmojë në këtë komision një tropojan i quajtur Nuel (Nue) Kalaj, i cili, në bazë të një letre që komisioni ka në zotërim, sipas Ballës, rezulton të jetë “sekseri” i marrëveshjes së qeverisë shqiptare me ÇEZ.
“Komisioni Hetimor Parlamentar për hetimin e privatizimit të OSSH nga kompania ÇEZ u njoh me disa prova të rëndësishme lidhur me një person të quajtur Nuel (Nue) Kalaj i cili sipas dëshmive të deritanishme ka qenë “sekseri” i martesës së qeverisë shqiptare të asaj kohe të drejtuar nga Sali Berisha me kompaninë ÇEZ. Komisioni ka administruar nga një bankë e nivelit të dytë disa llogari bankare të Nue Kalaj i cili ka marrë nga ÇEZ transferta bankare disa milionë euro. Këto shuma më pas i ka tërhequr cash më 16 qershor 2009, vetëm pak ditë para zgjedhjeve të vitit 2009. Gjithashtu Komisioni ka kërkuar informacione shtesë nga banka, por edhe nga banka të tjera, pse ÇEZ i ka berë këto transferta tek ky individ dhe ku i ka çuar paratë cash Nue Kalaj.Për Nuel (Nue) Kalaj në dëshminë e dëshmitarit Romeo Karra në Komisionin Hetimor rezulton të ketë qenë edhe ndërmjetesi i kontakteve dhe bisedave ndërmjet Qeverise shqiptare dhe kompanisë ÇEZ”,- tha Balla.
Shqiptarja.com, ka publikuar dokumentin që iu nis me postë Nue Kalajt, por që prej banesës së tij u kthye në Kuvend me mbishkrimin: “Larguar nga vendi”.
Pasi nuk mori pjesë në mbledhje, Kalaja deklaroi përmes një postimi në Facebook, se ndodhej në Kosovë për çështje pune dhe se ësthë i gatshëm të përgjigjet për çdo akuzë. (D.D/Shuplaka)
Discussion about this post