Agron dhe Kujtim Hysa janë dy nga biznesmenët e arrestuar për abuzime në rrugën e Gjinarit.
Ditën që ata janë arretuar nga ana e Policisë dhe kontrollit në banesë, nëna e tyre ka ndërruar jetë.
Sipas avokatit të tyre mbrojtës, vdekja e saj ka ardhur për shkak se e moshuara ka pasuar tronditje nga kontrolli i befasishëm në banesë. Avokati mbrojtës i vëllezërve Hysa, Rafik Gurra, me këtë argument kërkoi përjashtimin e prokurores nga çështja e rrugës Elbasan-Gjinar.
“Gjatë arrestimit, vëllezërve Hysa u ka vdekur nëna nga tronditja. Kush mban përgjegjë- si për këtë, kush e dha këtë urdhër diktatorial”, ka deklaruar Gurra. Agron Hysa, administrator i shoqërisë “Vëllezërit Hysa” shpk, akuzohet për veprën penale të vjedhjes së kryer duke shpërdoruar detyrën në bashkëpunim.
E njëjta akuzë dhe për vëllain e tij, Kujtim Hysa. Një akuzë e tillë është ngritur dhe për Rezarta Bokçiu, administrator e shoqërisë “Arifaj” shpk, firmë e cila gjithashtu ka punuar në projektin e rrugës Elbasan-Gjinar.
Nga hetimet e kryera ka rezultuar se këta persona bashkë me dy ish-drejtorët e ARRSH-së, Xhika dhe Toma si dhe supervizorin e rrugës, kanë kryer veprime dhe mosveprime të kundërligjshme që kanë sjellë si pasojë shpërdorimin e fondeve publike në shumën 499.525.926 lekë (të reja, rreth 5 miliardë lekë të vjetra) të dhëna nga buxheti i shtetit për realizimin e objektit “Sistem Asfaltim Rruga e Gjinarit” dhe objekti nuk është realizuar, bëhet e ditur nga Prokuroria e Elbasanit.
(E.K/FAXWEB)
