Prokuroria e Posaçme Kundër Krimit të Organizuar dhe Korrupsionit ka lajmëruar se gjatë fushatës zgjedhore të 11 majit do të ketë në monitorim edhe krimet zgjedhore.
Partia Demokratike i ka dërguar SPAK një shkresë zyrtare në lidhje me hetimin e këtyre kundra-vajtjeve ligjore duke kërkuar sqarime nga prokuroria.
Në shkresën e drejtuar nga drejtuesi i Departamentit të Drejtësisë në PD, Franc Nuri, ky i fundit shprehet se tashmë kanë kaluar dy muaj nga ngritja e task forcës së dedikuar për hetimin e krimit zgjedhor.
Më tej në shkresën e PD kërkohet informacion në lidhje me numrin e hetimeve që SPAK ka nisur për krimet zgjedhore nga janari i vitit 2025 deri në ditën e përgjigjes.
Po ashtu PD kërkoi informacion në lidhje me sasinë e hetimeve që janë nisur me iniciativën e prokurorisë dhe sa të tjera janë nisur si rrjedhojë e denoncimeve apo kallëzimeve.
