Për avokatin Kujtim Cakrani SPAK duhet të kishte nisur vetë regjistrimin penal sa i takon skandalit me ish agjentin e FBI dhe nuk kishte pse këtë gjë pas kërkesës nga deputeti i PD Gazment Bardhi. Në studion e Faxnews me gazetaren Xhilda Kondi ai tha se SPAK duhet të pyeste personat që kanë dijeni me cështjen, duke nisur nga kryeministri Edi Rama, Taulant Balla që pranoi dje publikisht që e ka takuar apo edhe persona të tjerë të përfshirë.
“Është bërë objekt i mediave dhe kjo duhej ta kishte shqetësuar SPAK që të kishte regjistruar procedim penal dhe të pyeste personat që kanë dijeni, si Rama apo edhe zoti Balla që tha dje që e ka takaur.
Pra zoti Bardhi nuk duhet ta kishte bërë por duhet të ishte iniciuar vetë nga SPAK.
Shqptarët nuk janë mësuar me këtë lloj qasje se kryeministri quhet zot. Nëse duam të ndërtojmë një shtet ligjor,është normalitet të thirret kryeministri dhe të gjithë personat që kanë dijeni. I ka bërë një dëm të madh shtetit”- tha ndër të tjera Cakrani.
Discussion about this post