Hetimi: Zjarri i qëllimshëm, dy bidona benzinë sipër makinës së Flori Mumajesit

Mbrëmjen e djeshme një zjarr i përmasave të konsiderueshme ka përfshirë ambjentet e një parkingu në zonën e ‘’Sheshit Willson’’.

Një nga mjetet e përfshira nga zjarri ishte edhe makina e këngëtarit Flori Mumajesi, i cili mendohet të ketë qenë edhe objektivi i sulmit.

Sipas hetimeve nga policia zjarri ka qenë i qëllimshëm. Kamerat e sigurisë kanë fiksuar një person rreth të 30-tave i cili ka hyrë në garazhin ku ishin të parkuara makinat dhe ka hedhur 2 bidona me beniznë mbi automjetin e këngëtarit. Benzina e hedhur mbi mjetin ”Fuoristradë” të Florit ka bërë që flakët të përfshijnë edhe dy mjete të tjera aty pranë. 

Sipas asaj që kanë regjistruar kamerat e sigurisë personi ka qenë i veshur me bluzë të bardhë dhe ka pasur të vendosur kapuç në kokë. (E.K/SHUPLAKA)