Hidhet në erë godina 5-katëshe në Shkozet të Durrësit, momenti kur pluhuri ‘pushton’ zonën (Video)

Mesditën e sotme forcat e IKMT-së kanë shpërthyer një godinë 5 katëshe në Shkozet  të Durrësit.

Mjetet e rënda të IKMT-së kanë bërë shembjen e kontrolluar të kësaj godine, ndërsa tronditja ëshrtë ndier në të gjithë zonën përrreth.

Që nga tërmeti shkatërrimtar i 26 nëntorit, godina  ishte bërë e pabanueshme dhe autoritetet vendosën për shembjen e saj, pasi kishte pësuar dëmtime në strukturë, ndërsa banorët e saj janë strehuar përkohësisht në hotele.

Në komunikimin e fundit me median, zv/ministrja e brendshme, Rovena Voda, deklaroi se paraprakisht janë 70 objekte që do të shemben në Durrës, ndërsa 406 janë të pabanueshme.