Shtypi 55-vjeçaren pas konfliktit për gardhin dhe e cilësoi aksident, flet e dëmtuara: Ka ken me dashje, mori kthesën me shpejtësi dhe më hodhi në kanal (VIDEO)

Hilë Simoni, 61-vjeçari, që masakroi fqinjen e tij, Kaltrine Hile pas një konflikti për gardhin, është lënë në burg nga gjykata e Shkodrës.

Simoni e ka cilësuar ngjarjen si një aksident, duke shtuar se nuk ka mundur që ta kontrollonte mjetin, për shkak të rrugës pa standarde.

“Ngjarja ka qenë aksidentale, nuk kam pasur mundësi ta kontrolloj mjetin, nuk kam qenë në gjendje ta kontrolloj mjetin, për shkak të rrugës pa standarte.”- u shpreh Simoni përpara gjykatës.

Faxweb.al ka siguruar një dëshmi të së plagosurës nga spitali, në të cilën ajo përgënjeshtron deklaratën e Hilë Simonit se gjithçka ka qenë aksidentale. Gjjthashtu shprehet se nuk është e vërtetë se bashkëshorti i saj ka pirë kafe me Hilën. Sherri ndodhi për një gardh dhe thekson se ka vite që nuk kanë hyrje dalje me familjen e Hilës.

“Po me dashje ka ken ajo, hyri te shpia e vet dhe ka marrë makinën dhe ndaloi para meje dhe më tha ec përpara. Ka marrë kthesën me shpejtësi dhe më ka hedh në kanal”- tha Kaltrine Hile.

Nga ana tjetër 61-vjeçari është shprehur se “edhe djali i tij të ishte, s’do kishte mundur që ta shmangte aksidentin.

Për sa i takon debateve që kanë pasur mes tyre, ai është shprehur se i kanë mbyllur prej kohësh. Para 1 jave bashkëshorti i Katrinës ka konsumuar kafe së bashku me Hilën si shokë dhe kushërinj në prezencë edhe të personave të tjerë. (F.M/Faxweb.al)