Policia e Himarës dhe forcat zjarrfikëse janë vënë në alarm pas një njoftimi se një person i sëmurë mendor është futur në një nga dhomat e depozitave të karburantit. Menjëherë pas marrjes së sinjalizimit, forcat e rendit dhe shërbimi zjarrfikës janë nisur drejt vendit të ngjarjes për të lokalizuar dhe shpëtuar personin.
Ende nuk dihen rrethanat e sakta se si ai ka mundur të hyjë në ambientet e rrezikshme, por autoritetet janë duke punuar për nxjerrjen e tij të sigurt dhe për të shmangur çdo incident të mundshëm.
Policia vijon hetimet për të zbardhur ngjarjen dhe për të vlerësuar situatën, ndërsa qytetarët në zonë janë këshilluar të qëndrojnë larg vendit të ngjarjes deri në përfundimin e operacionit të shpëtimit.
