Një ditë pas kualifikimit për në finale e Eurovizion të këngëtares Jonida Maliqi, duket se komentet e shqiptarëve kanë qenë të shumta, pse jo të mbushura dhe me ndjenja krenarie.
Mirëpo Elton Deda ende nuk i ka harruar kritikat që iu bënë këngëtares, për nivelin e saj të anglishtes.
Në një shkrim në rrjetet sociale, Deda iu kërkon kritikëve që të merren me punët e tyre, dhe tiu japin fund akuzave të pabaza ndaj artistëve.
Postimi i Elton Dedës:
Kjo dite e bukur me diell ( heperhe), pertej mynxyrave politike dhe gjendjes depresive qe kalojne te gjithe shqiptaret, u hap me ndjenja te bukura dhe pozitivitet. Mbreme Manjola Nallbani kendoi jo vetem per njerezit ne salle por per te gjithe shpirterat e lodhur te artisteve shqiptare.
E shoqerova bashke me muzikante te medhenj ne kete rrugetim te bukur dhe te them te drejten e kam shijuar shume koncertin. Kaloi shume shpejt, nuk e kuptova fare kur arriti ne kengen e fundit. Kishte ne salle shume kolege te cilet i pashe gati ne mallengjim dhe kjo eshte e natyrshme. Ne duam gjera te bukura, kaq e thjeshte eshte. Dhe vetem njerez te medhenj por modeste si Manjola dine ti sherbejne aq bukur ne art. Urimi im per Manjolen eshte qe te mos ndaloje ketu pasi artistet e medhenj ndalojne vetem kur ndalon ora. Ka shume akoma per te dhene.
Ndjenja tjeter e bukur ishte kualifikimi i Jonides. Histeria kolektive e disa injoranteve qe u moren me nivelin e anglishtes se saj, u kthye ne nje dashuri te pafundme direkt. Kjo tregon qe nje pjese e shoqerise sone vuajne nga hipokrizia, mos-pasje boshti dhe boshllek shpirteror. Merreni si keshille miqesore, lerini artistet te bejne punen e vet dhe beni dhe ju ndonje pune se nuk del keq. Shume suksese e dashur Jonida dhe te jesh e qete pasi muzika ka vetem nje gjuhe universale, qe e kuptojne te gjithe
Discussion about this post