Deputetja e Partisë Demokratike Jozefina Topalli, e ftuar në emisionin “Debat në Channel One” të gazetarit Roland Qafoku, ka folur për mundësinë që Ilir Meta të mos bëhet president.
“Do të ishte një çmenduri, është zgjedhur në mënyrë të ligjshme. Unë nuk kam ndonjë lajmërim nga zoti Basha por atij i takon të marrë pjesë më 24 korrik në Parlament.
Janë detyra për t’u realizuar. Dua të jem e kujdesshme sepse unë nuk kam pse mendoj se Rama do e bëjë këtë, sepse është e pamendueshme, nuk e imagjinoj dot, ta fusësh vendin në kaq halle për çështje personale. Nuk më takon të ngre kësisoj hipotezash.
Është serioze sepse mund të kesh një kryeminitër arrogant, por kur ke një opozitë, njeriu ka besim sepse thotë nuk e lë opozita me lëviz, por unë s’dua që vendi të mbesë në opozitën e Ilir Metës.”, tha Topalli. (D.D/Shuplaka)
Discussion about this post