Moderatorja e mirënjohur sportive Hygerta Sako e ftuar në “Pasdite në Top Channel”, tregoi se në Shqipëri ekziston ende paragjykimi që femrat nuk mund të flasin për futboll.
“Ekziston paragjykimi që femrat nuk japin dot mend për futboll, por ne bëjmë gazetari dhe nuk japim mend, pasi nuk jemi specialiste futbolli. Paragjykimit nuk do t’i shpëtojmë kurrë, aq më tepër që imazhin e bukur e lidhin me budallallëkun”, u shpreh Sako.
Moderatorja e njohur gjithashtu tregoi edhe një histori kur teksa raportonte ndeshjen Tirana-Partizani ishte vënë në siklet pasi tifozët i kërkonin të hiqte xhupin.
“Kisha veshur pantallona, bluzë të zezë dhe një xhup të kuq. Që përpara se të merresha me gazetari sportive njihesha si tifoze e Partizanit dhe prej kësaj tifozët Tironës bërtisnin me të madhe ‘Hiqe, hiqe’, e kishin fjalën për xhupin e kuq. Donin të më zhvishnin, por në fakt unë e kisha veshur se më shkon e kuqja jo për të bërë tifozen”, rrëfeu Hygerta Sako
(M.Q/Faxweb)
