Sot ka nisur procedimi penal në komisaritain nr. 2 në kryeqytet ndaj Fatmir LLoçit, që duke u hequr si hoxhë, ngacmonte seksualisht gratë dhe vajzat.
Mbrëmjen e të martës në emisionin “Stop” në Tv Klan, u transmetuar skandali i këtij shtetasi i cili vetëquhej hoxhë dhe ngacmonte seksualisht gratë e vajzat me pretekstin e shërimit që i shkonin në banesë.
Por Komuniteti Mysliman i Shqipërisë nuk ka qëndruar pa reaguar përmes përfaqësuesit të tij Ylli Gurra, i cili e quajti Lloçin hajdut të pafytyrë dhe i bëri thirrje qytetarëve të mos bien pre e abuzuesve që nuk kanë asgjë të përbashkët me fenë islame.
“Ajo që dua të sqaroj është që të tillë persona ose abuzues nuk kanë aspak lidhje me të qënit hoxhë! Rasti i mbrëmshëm ka qenë një degjenerim apo një abuzim i mirëfilltë për gjithçka, i besimtarëve dhe qytetarëve.
Nuk ka lidhje aspak e askund me fenë dhe profesionin fisnik të hoxhallarëve që shërbejnë kudo në Shqipëri.
Unë iu bëj apel që të mos bini pre e këtyre abuzuesve të paskrupullt, të cilët për hir të 5 qindarka denigrojnë figurën e qytetarëve, që për arsye shëndetësore detyrohen të zejnë dyert e këtyre e vjedhësve të pafytyrë!” – shprehet Ylli Gurra në reagimin e tij.
Burimi: Klan
