Detaje nga ngjarja e rëndë në Itali ku u gjet i murosur 47-vjeçari shqiptar, Astrit Lamaj. Policia italiane ka arritur të zbulojë porositësin e kësaj vrasjeje e cila është ish- e dashura e tij 67-vjeçarja italiane. Mësohet se 67-vjeçarja ka urdhëruar murosjen e tij për shkak të ndërprerjes së marrëdhënies mes tyre si edhe vjedhjen e disa sendeve me vlerë.
Policia investigative e Monzës, Ennas, Caltainisettas e Genovas kanë ekzekutuar mëngjesin e sotëm urdhër arrestimin e lëshuar nga prokuroria e Monzës ndaj 4 shtetasve italianë të akuzuar si autorë të krimit e për fshehje të kufomës së shqiptarit Astrit Lamaj, trupi i të cilit u gjet i murosur më 15 janar të 2019 gjatë restaurimit të një vile në komunën Senago në provincën e Milanos.
Katër italianët e arrestuar janë ekzekutorët materialë të vrasjes së shqiptarit, të përshfirë dhe më parë me botën e krimit. Sipas policisë ish e dashura e tij italiane ka paguar 6 persona për të vrarë Astrit Lamaj.
Ajo është arrestuar pasi po tentonte të largohej nga terrritori italian përmes aeroportit të Genovas. Astrit Lamaj ishte zhdukur prej vitit 2013 dhe nuk kishte asnjë lajm për të derisa u gjet trupi i pajetë i tij në janar të këtij viti
Discussion about this post