Midis 76 të pastrehëve që u shpëtuan gjatë këtyre ditëve të ftohta nga policia, bën pjesë edhe një kuzhinier i njohur në Durrës.
Ai është 60-vjeçari Irakli Karaj i cili pasi u divorcua nga gruaja, u braktis nga familjarët dhe që kur humbi hunën rreth një vit më parë, ai ka jetuar rrugëve.
Karaji është një njeri i nderuar dhe i respektuar në komunitetin e Durrësit, porn ë vitet e tij të pleqërisë fati është treguar mizor me të.
Mbrëmjet e kaluar, policia e mori nga stolat e stacionit të autobuzit dhe e dërgoi atë në spital.
Përveç historisë së tij, Karaji u tregoi mediave lokale, edhe për takimin e tij të fundit me Benin, endacakun durrsak që humbi jetën për shkak të të ftohtit që ka kapluar vendin.
“Atë ditë që vdiq erdhi e më dha një mijë lekë Beni i shkretë. Nuk do ta harroj kurrë se e kishte shpirtin të mire” tregon i moshuari.
Ndërkohë, ai i bën apel edhe kryetarit të bashkisë së Durrësit që t’I ndihmojë njerëzit në nevojë si ai.
“Jam rritur me Vangjush Dakon, e kam pas komshi. Por nuk na përfill fare…” shton Karaj.
Sipas informacioneve, deri më tani bashkia e Durrësit nuk ka hapur asnjë njësi për të pritur endacakët të cilët janë strehuar në spitalin e qytetit. (D.D/Shuplaka)
