Një pallat në lagjen “Punëtori” në Gjirokastër rrezikon shembjen, duke lënë një qiell të hapur 15 familje.
Çarjet e tokës kanë avancuar gjatë natës, ndërsa banorët e kanë kanë kaluar natën jashtë banesave.
Shkak për shembjen e pallatit është bërë një punim në një banesë pranë tij.
Por kjo nuk është hera e parë që në Gjirokastër përsëritet një ngjarje e tillë.
Ishte nëntori i vitit 2008, kur një pallat me 5 kate u shemb në lagjen “11 Janari”, duke shkaktuar 3 viktima, mes tyre një fëmijë.
Tentativa për të ndërtuar një qendër tregtare në këtë lagje la shtëpi 14 familje.
Një vit më pas në vitin 2009, sërish në Gjirokastër u ngrit rreziku për shembje pallati. Rreth 30 familje në lagjen “Kodra e Shtufit” i drejtuan një peticion Kryeministrit Berisha dhe Presidentit të Republikës, se për shkak të ndërtimeve pa kriter në këtë zonë, pallati i tyre rrezikonte shembjen.
Qeveria ndërhyri duke parandaluar tragjedinë që mund të ndodhte.
Ndërsa sot, gjendja paraqitet edhe më alarmante.
Çarjet e tokës avancojnë orë pas ore dhe gjeologët iu kanë bërë thirrje banorëve të largohen nga banesat e tyre, por asnjë nga instancat shtetërore nuk ka ndërhyrë për evakuimin e tyre.
Banorët kanë pohuar për Fax News se kanë shkuar në Bashkinë e Gjirokastrës por çështja e tyre nuk është parë me rëndësi.
Asnjë reagim nuk ka patur as nga insitucioni i Prefektit.
Këta banorë njësoj si 10 vite më parë janë të rrezikuar të humbasin shtëpitë për shkak të një ndërtimi pranë tyre.
E zonja e banesës që po kryen punime, posedon një leje ndërtimi të rregulltë nga institucionet përkatëse.
Bashkia dhe Policia ndërtimore kanë qenë në dijeni për këto punime, por nuk i kanë parë me rrezik për banesat e tjera. Situata vijon të përkeqësohet, neglizhenca e shtetit po ashtu.
(F.G/Faxweb)
Discussion about this post