Ministria e Drejtësisë Italiane duhet të paguajë një milion e gjysmë euro për të afërmit e viktimave që humbën jetën gjatë masakrës në Gjykatën e Reggio Emilia më 17 tetor të 2007-ës.
Gjatë seancës dëgjimore të divorcit, 40 vjeçari Clarim Fejzo u shfaq i armatosur ku vrau gruan e tij ,Vjosën 37 vjeç, dhe kunatin e tij Arjan Demcolli, i cili po përpiqej ta çarmatoste.
Gjatë të shtënave mbeti e plagosur edhe avokatja e gruas, Giovanna Fava, më pas Fejzo u vra nga një polic.
11 vite nga ngjarja tragjike, Gjykat a Supreme hodhi poshtë kërkesën e Shtetit Italian për të zvogëluar shifrën e dëmshpërblimit për të afërmit e viktimava, vendimi u hodh poshtë fillimisht edhe nga ana e Apelit, e cila konfirmoi vendimin e Gjykatës së Shkallës së Parë për një milion e gjysmë euro dëmshpërblim.
Gjykata e drejtuar nga Uliana Armano e shpalli të papapranueshme kërkesën e shtetit, duke dënuar Ministrinë e Drejtësisë për të paguar shifrën e caktuar.
Kompensimi duhet t’i paguhet Florentina Demçollit, (e veja e Arjanit) dhe tre vajzave të saj (18, 15 dhe 13 vjeç), të cilat janë rritur pa të ardhurat e babait për 13 vite.
Por tani, shteti italain do të ketë pesëmbëdhjetë ditë afat për të bërë pagesën tek familja Demcolli, përndryshe do të vazhdojë me një përjashtim.
“Unë nuk mund t’ju them sa shumë e kënaqur jam me rezultatin e këtij aktgjykimi që, më në fund, pas gjithë këtyre viteve, i jep fund kësaj ngjarjeje tragjike. Kam shpresën se, përballë një vendimi përfundimtar, Ministria e Drejtësisë do të përballet me detyrimet e veta për të kompensuar të afërmit e një prej viktimave. Unë gjithashtu shpresoj se ngjarjet me një peshë të tillë të mos përsëriten në një Gjykatë e cila, duhet të jetë një vend i sigurt ku kërkohet dhe merret drejtësia “. u shpreh avokatja që ndjek çështjen e Florentina Demçollit dhe tre vajzave të saj.
(J.D/Faxweb.al)
