Gazeta e njohur greke “Kathimerini” në një artikull të publikuar ditën e sotme, shkruan se dyshohet për grup trafikantësh që çojnë hashash në Turqi dhe e shkëmbejnë me heroinë.
“Kathimerini” thekson se Drejtoria kundër narkotikëve në policinë greke ka patur informacion për dy gomone që do nisëshin nga Shqipëria për çuar hashash në Turqi, ku do merrnin edhe heroinë.
Më tej, në shkrimin e saj, gazeta shkruan se dyshohet se është hedhur heroina në det gjatë ndjekjes.
“Dyshohet për grup trafikantësh që çojnë hashash në Turqi dhe e shkëmbejnë me heroinë. Drejtoria kundër narkotikeve në policinë greke ka pasur informacion për dy gomone që do niseshin nga Shqipëria për të cuar hashash në Turqi ku do të merrnin heroinë. Dyshohet se nga gomonia e kapur është hedhur heroinë në det gjatë ndjekjes pasi hashashi ka arritur të shkarkojë në brigjet turke”, shkruhet në artikullin e publikuar nga gazeta e njohur greke.
Kujojmë se një gomone e nisur nga Shqipëria dhe e ngarkuar me drogë ka tentuar të futet në ujerat turke pasi kishte përshkruar gjithë hapesirën detare të Greqisë.
Operacioni po ndodh në këto momente në Mitilini, ku marrin pjesë 10 skafe të policisë greke, 1 avion i FRONTEX dhe 1 helikopter i policise greke.
Policia turke ka bllokuar futjen e gomones me 3 persona në ujrat e tyre. Gomonia është rikthyer në ujërat greke dhe po tenton ardhjen përsëri në Shqipëri. Snajperistet nga helikopteri kanë goditur disa herë, por gomonia vazhdon të lundrojë.
Burime nga policia greke: Eshte arritur të kapet njëra prej gomoneve. Trafikantët kanë pasur dy gomone, ndërkohë po ndiqet edhe tjetra.
(K.H/Faxweb.al)
Discussion about this post