Dy ditë pas krimit të rëndë ndodhur në Fier, gjykata ka vendosur masën e sigurisë “arrest me burg” ndaj Ferdinand Rukaj, i cili akuzohet se hodhi nga dritarja e banjës të banesës bashkëshorten e tij, Liljana Zhezha-Rukaj, e cila kishte kërkuar pak kohë më parë urdhër-mbrojtje.
Ndërkaq është zbardhur urdhri i mbrojtjes që gjykata e Fierit kishte caktuar ndaj Liljana Rukajt, nënë e dy fëmijëve.
Në të ndër të tjera citohet se i denoncuari nuk duhej t’i afrohej paditëses më shumë se dy metra.
Veç kësaj, gjykata urdhëroi burrin të mos kryente vepra të dhunës, të mos kontaktonte me Liljana Rukaj dhe të paguante detyrimin ushqimor.
Urdhri u dha një muaj më parë nga gjykata e Fierit, e cila pranoi kërkesën e gruas, por nuk u zbatua nga bashkëshorti i saj.
