“Hodhi fletët e votimit me pretendimin se janë të falsifikuara”, kandidati për deputet denoncon rastin në Delvinë

Një kandidat i subjekti politik për deputet në Delvinë ka denoncuar një incident të shënuar në qendrën e votimit 4619 pranë spitalit të Delvinës.

Bëhet fjalë për një shtetase që ka hedhur në tokë jashtë qendrës së votimit, 2 fletë të ngjashme me fletët e votimit me pretendimin se janë imituese dhe të falsifikuara.

“Sot rreth orës 12:00 është paraqitur për të bërë kallëzim shtetasi R.B., kandidat për deputet i një subjekti politik, i cili ka deklaruar se:

Gjatë ditës së sotme, në Qendren e Votimit 4619 pranë spitalit, Delvinë, ka parë një shtetase e cila ka hedhur në tokë jashtë qendres së votimit 2 fletë të ngjashme si fletët e votimit dhe pretendon se ato janë imituese ose të falsifikuara.

Policia ka bërë të mundur sekuestrimin e fletëve të konstatuara (2 copë), të cilat do t’i nënshtrohen ekspertizës për përcaktimin e saktë të tyre. Vazhdojnë hetimet për zbulimin dhe sqarimin e këtij rasti.”, citohet në njoftimin e policisë.

(XH.A/SHUPLAKA)