Në datën 3 dhjetor ndodhi një ngjarje shumë e rëndë, ku Ferdinand Ruko hodhi nga dritarja e katit të katërt gruan e vet, Liljanën.
Çifti kishte patur grindje të vazhdueshme me njëri-tjetrin. 52-vjeçari e kishte dhunuar atë për herë të fundit në datën 4 nëntor. Për këtë arsye viktima Liljana atë ditë ka bërë denoncim në komisariatin e policisë dhe në datën 9 të muajit të kaluar gjykata e Fierit ka vendosur urdhër-mbrojtje të menjëhershëm për të. Por pavarësisht urdhrit të mbrojtjes dhe vendimit që burri të mos i afrohej gruas më shumë se 2 metër, dy bashkëshortet jetonin në një shtëpi.
Në seancën gjyqësore Ferdinad Ruko ka kërkuar që dy fëmijët t’i marrë jetimorja. Kërkesë me të cilën nuk është dakord familja e viktimës. Vëllai i Liljanës, daja i dy fëmijëve të saj flet për herë të parë për ngjarjen e rëndë dhe thekson se do të luftojë deri në fund për t’i rritur vetë nipin dhe mbesën.
Në seancën gjyqsore që kryesohej nga gjyqtare Ejona Lazellari, Ferdinand Ruko ka kërkuar që fëmijët e tij djali 7 vjec dhe vajza 3 vjece të mos lihen në kujdestarinë e dajës Robert Zhezha por të shkojnë në jetimore. Në një intervistë për Alb365.com, Roberti thotë mes dhimbjes se ata nuk kanë pse rriten rrugëve si pa njerëz. “Ata këtu janë në shtëpinë e tyre, janë rritur këtu dhe askush tjetër nuk mund të kujdeset si ne për ta”, -thotë ai. (J.V/Shuplaka)
https://www.youtube.com/watch?v=LfPNjKzEPO4
