Hodhi gruan nga dritarja e katit të katërt, Fredi Ruko i shpëton burgimit të përjetshëm

52-vjeçari nga Fieri i cili vrau gruan duke e hedhur nga dritarja, disa muaj më parë i ka shpëtuar burgimit të përjetshëm.

Gjykata e Krimeve të Rënda pranoi gjykimin  e shkurtuar për shkak se i pandehuri, baba i dy fëmijëve kishte shfaqur shenja pendese.

Madje edhe Prokuroria nuk ishte kundër, gjë e cila e bëri më të lehtë për Gjykatën që të merrte vendimin për gjykim të shkuartuar. Pas pranimit të gjykimit të shkurtuar, seanca u shty për t’i lënë kohë prokurorit të përgatisë konkluzionet përfundimtare.

Kujtojmë se Fredi Ruko akuzohet për një ngjarje të dhjetorit të kaluar, kur ai ka hedhur nga dritarja e banesës Liljana Rukon, bashkëshorten e tij, me të cilën kishte dy fëmijë. Kjo pas disa debateve me njëri-tjetrin.

Si pasojë e hedhjes nga kati i katërt, Liljana Ruko ka gjetur vdekjen e menjëhershme. (D.D/Shuplaka)