Teksa numri i të vdekurve për shkak të Covid-19 ka shkuar 6,077 në Itali dhe janë regjistruar 63,927 raste të infektuara, një lajm i mirë ka ardhur së fundmi.
Në Itali një 95-vjeçare ka arritur të mposhtë koronavirusin, duke u bërë pacientja më e vjetër në botë që arrin të shërohet nga Covid-19.
E moshuara quhet Alma Clara Corsini, nga Fanano, e cila u shtrua në një spital në provincën veriore të qytetit të Pavullo më datën 5 të muajit mars.
Sipas mjekëve, 95-vjeçarja ka arritur të shërohej pa terapi antivirale, ndërsa tashmë është shëruar plotësisht.
Ajo është gati të kthehet në shtëpi dhe ky lajm padyshim i ka bërë krenarë anëtarët e stafit të spitalit.
Discussion about this post