Ambasada franceze në Shqipëri ka reaguar lidhur me lajmin e bërë publik një ditë më parë për vizitën zyrtare të Presidentit të Francës në Shqipëri në muajin Mars.
Në njoftimin e saj për shtyp, ambasada franceze shprehet se ende nuk ka informacion të besueshëm mbi programin e kësaj vizite zyrtare.
“Ambasada e Francës në Shqipëri u uron autoriteteve dhe popullit shqiptar paqe, lumturi dhe begati për vitin 2017. Ky vit do të jetë i pasur me ngjarje shumë të rëndësishme. Pikërisht, Presidenca e Republikës franceze na ka vënë në dijeni në lidhje me dëshirën e Presidentit François Hollande të vizitojë Shqipërinë gjatë muajit mars.
Në këtë kontekst nuk ka akoma asnjë informacion të besueshëm mbi programin e kësaj vizite, i cili do të përcaktohet, kur të vijë koha, mes autoriteteve franceze dhe shqiptare, sipas rregullave protokollare”, citohet në njoftimin e ambasadës franceze. (XH.A/SHUPLAKA)
