Përfaqësues të Bashkisë së Durrësit dhe deputetë të Partisë Socialiste kanë zhvilluar homazhe me rastin e ditës së çlirimit në Mauzoleumin e Dëshmorëve, raporton “Fax News”.
Ajo që binte në sy ishte mungesa e përfaqësuesve të LSI si në nivel lokal apo qendror, të cilët nuk i janë bashkuar asnjërës prej ditëve të festave me të djathtën apo të majtën siç kanë bërë në vitet e shkuara.
Të pranishëm në këtë aktivitet ka qenë kryetari i bashkisë Vangjush Dako si dhe deputetët Klodiana Spahiu, Milva Ekonomi dhe Roland Xhelilaj. Pasi kanë vendosur kurorat me lule të dëshmorët që kanë dhënë jetën për çlirimin e vendit në luftën antifashiste, kryebashkiaku Dako është shprehur se sot nderojnë me mirënjohje dhe respekt të thellë veprën e të rënëve në luftë për çlirimin e vendit.
Ndërkohë familjarët e dëshmorëve të rënë në luftë, janë shprehur të pakënaqur nga mungesa e vëmëndjes nga ana e pushtetit lokal për mirëmbajtjen e varrezave, por dhe mos dhënies së shpërblimeve për ta. (J.V/Faxweb)
