Deputeti Socialist Gjovalin Kadeli u nda nga jeta vetëm tre ditë më parë pasi nuk mundi t’i bënte ballë sëmundjes së rëndë. Sot do të zhvillohet ceremonia mortore tek varrezat e Lezhës në orën 12:00. Kjo ceremoni është e organizuar nga Kuvendi.
“Ju bëj me dije se ditën e hënë, në oren 12:00 në Manati i jepet Lamtumira e fundit Deputetit Gjovalin Kadeli. Ceremonia zyrtare e organizuar nga Kuvendi i Shqiperise do të mbahet sot ne 11:30 tek varrezat e Lezhës.
Kush është Gjovalin Kadeli?
Gjovalin Kadeli, politikani që ndërroi jetë në Itali pas betejës me një sëmundje të rëndë, ka qenë deputet i Kuvendit të Shqipërisë në dy legjislatura.
Ai ishte politikani që provoi të kandidonte nën të trejat parti, nga Partia Socialiste, më pas tek Partia Demokratike, e më pas në Lëvizjen Socialiste për Integrim.
Përtej detyrave që ka mbajtur si drejtues, kryetar apo biznesmen, Kadeli u bë anëtar i Partisë Socialiste në vitin 1991. Gjatë viteve 2000-2005 ka qenë anëtar i Kryesisë së PS-së në Lezhë, e më pas kandidat për deputet dhe kryetar i Partisë Socialiste në qytetin e Lezhës.
Ai ishte deputet i PS-së në legjislaturën 2009-2013, por për shkak të disa kontraditave me kryetarin e Partisë Socialiste, Edi Rama, ai la PS-në për t’iu bashkuar Partisë Demokratike, si shpërblim të votimit të tij pro ndryshimeve në këtë parti.
Pas marrjes së mandatit të deputetit, Gjovalin Kadeli u largua nga Grupi Parlamentar i PD-së për t’iu bashkuar LSI-së. Ai ishte i dyti në qarkun e Lezhës në listën e kandidatëve për deputetë të LSI-së për zgjedhjet e 25 qeshorit.
(J.V/Shuplaka)
