Shkrimtari i madh Dritëro Agolli do të përcillet me nderimet më të larta, për në banesën e tij të fundit. Ministria e Kulturës njofton se homazhet për perlën e letrave shqipe, do të mbahen të dielën në Pallatin e Kongreseve nga ora 10.30 deri në 13.00.
Vetëm pak orë më parë, ministrja e Kulturës Mirela Kumbaro tha se është angazhuar me përgatitjet për ceremoninë e homazheve për shkrimtarin.
“Figura e Agollit dhe dimensionet e tij janë të tilla që do të kërkojnë angazhimin jo vetëm të ministrisë së Kulturës por edhe të institucioneve të tjera. Ne aktualisht kemi ngritur një komision të posaçëm që do të organizojë ceremoninë e homazheve për shkrimtarin.”, tha Kumbaro.
Agolli u nda nga jeta rreth orës 16:00 të ditës së sotme, për shkak të problemeve të rënda shëndetësore në mushkëri. (D.D/Shuplaka)
Discussion about this post