Deputeti Astrit Patozi, i cili do t’i mungojë Parlamentit të ardhshëm, mësohet se gjatë ditës së sotme i ka shkuar në zyrë ish-kryeministrit Berisha.
Ky takim vjen një ditë pasi Astrit Patozi, u tërhoq nga gara për kryetarin e partisë, pasi nuk iu plotësuan kushtet që ai kërkoi. Ndërkohë, mësohet se edhe Eduart Selami i ka vajtur Berishës në zyrë. Mirëpo jo në të njëjtën kohë me Patozin.
Gazeta Panorama shkruan se ka kontaktuar me Patozin për të zbuluar detajet e takimit, mirëpo deputeti nuk ka komentuar asgjë. Megjithatë ka konfirmuar që i ka shkuar në zyrë Berishës.
Kujtojmë se Patozi është një ndër kritikët më të mëdhenj të kreut të PD-së Lulzim Basha brenda partisë së tij, ndërsa ish-kryeministri Berisha është mbështetësi i tij më i rëndësishëm.
Ndërsa Selami është i vetmi kandidat i cili ka mbetur në garë për t’u përballur me Bashën, pasi Kryesia e PD-së i skualifikoi të tjerët.
Duke patur parasysh situatën e tensionuar brenda PD-së, me shumë gjasa “Basha” dhe “gara” do të ketë qenë fjalët kyçe të bashkëbisedimeve të Berishës me Patozin dhe Selamin. (D.D/Shuplaka)
