Astrit Patozi, i cili humbi sot mundësinë për të qenë kandidat për kreun e Partisë Demokratike pasi hoqi dorë në momentin e fundit, i ftuar në emisionin “Top Story”, të gazetarit Sokol Balla, ka sqaruar se çfarë do të bëjë që sot e tutje.
“Në rast se do ishte vetëm Astrit Patozi, pra do ishte çështje personale, natyrisht që do zgjidhja largimin e përkohshëm nga politika, marrja e ndonjë aktiviteti tjetër do ishte shumë mirë. Por për shkak se nuk është çështje personale, unë jam ofruar si kandidat i PD-së. Unë nuk jam si zoti Basha, unë dua që një mbështetje ta faktoj.
Zoti Basha kur merrte vendimet për çadrën, për ngritjen, mbylljen, marrëveshjen me Ramën, thoshte: ‘Më kanë thënë qytetarët. Unë fola, ata më thanë.’ Unë nuk e kam këtë. Kam koncept tjetër. Unë për çadrën kam respekt.”, tha Patozi.
Kujtojmë se sot, Kryesia e Partisë Demokratike vendosi që në garën për kryetarin e kësaj partie të qëndrojnë vetëm Lulzim Basha dhe Eduart Selamit.
Patozi u la jashtë pavarësisht se kishte deklaruar që do të kandidonte, pasi nuk kishte paraqitur zyrtarisht dokumentat, gje të cilën Patozi e quajti qesharake pasi ai kishte paralajmëruar s edo merrte pjesë vetëm nëse zbatoheshin disa kushte.
Kujtojmë se Patozi nuk do jetë as në Parlamentin e ardhshëm pasi jo thjesht nuk u mandatua në këto zgjedhje, por as nuk bënte fare pjesë në listat e PD-së. (D.D/Shuplaka)
Discussion about this post