1-Dashi (21 mars-20prill)
Ditë e shkëlqyer do jetë kjo e sotmja për ata që janë në një lidhje, do keni një komunikim të ngrohtë me partnerin dhe për çdo gjë do merreni vesh për mrekulli. Beqarët duhet të tregohen të vëmendshëm sepse personi i duhur mund të kaloj pranë tyre në momentin që më pak e presin. Për buxhetin duhet të keni më tepër kujdes në mënyrë që gjendja të përmirësohet.
2-Demi (21 prill-21 maj)
Nëse jeni në një lidhje duhet të bëni shumë kujdes me partnerin tuaj. Po i kërkuat gjëra të pamundura do e dekurajoni dhe do e mërzisni tej mase partnerin. Beqarët do e gjejnë më shpejt nga sa e kishin menduar shpirtin e tyre binjak dhe do fillojnë një lidhje fantastike. Në planin financiar do bëni mirë të jeni ende të kujdesshëm sepse situata mund t’iu dalë jashtë kontrollit.
3-Binjakët (22 maj-21 qershor)
Lidhja juaj me partnerin do përmirësohet tej mase gjatë kësaj dite. Do e keni më të lehtë për të folur lirshëm me atë qe keni ne krah dhe nuk do të keni aspak mosmarrëveshje. Beqarët në ditën e sotme nuk do jenë me fat, prandaj duhet të presin ende disa kohë për të ndryshuar statusin. Në planin financiar do vazhdoj të mbizotërojë gjithë kohës ekuilibri. Do jeni të qetë kur të shpenzoni.
4-Gaforrja (22 qershor-22korrik)
Jeta juaj në çift do jetë më e mirë se disa ditë më parë, do gjeni gjuhën e përbashkët me partnerin dhe do kaloni një ditë të mrekullueshme. Secili do mendojë ta bejë çdo moment fantastik. Beqarët nuk do ndihen ende gati për të hedhur hapa kështu që bëjnë mirë të mos i pranojnë ftesat që do ju bëhen ose t’i shtyjnë takimet për më vonë. Në planin financiar nuk do keni probleme.
5-Luani (23 korrik-22 gusht)
Kujdes me ato që do thoni gjatë kësaj dite sepse partneri nuk do jetë në humor shumë të mirë dhe mund të lindin debate e mosmarrëveshje të forta. Beqarët duhet të bëjnë atë që do ndiejnë pa u ndikuar nga mendimet e personave të tjerë. Buxheti nuk do jetë shume i mirë dhe vetëm duke marrë hua do mund t’ia dilni mbanë sot.
6-Virgjëresha (23 gusht-23 shtator)
Duhet t’i shprehni sa më shumë ndjenjat gjatë kësaj dite sepse vetëm në këtë mënyrë do e mbani pas vetes personin që keni në krah. Nëse nuk I kushtoni rëndësi dikush tjetër mund t’ju paraprij. Beqarët nuk do dinë çfarë të bëjnë për të tërhequr pas vetes atë që pëlqejnë dhe do mbeten me të njëjtin status. Financat do jenë mjaft të mira kështu që duhet të përfitoni për të bërë ndonjë investim.
7-Peshorja (24 shtator-23 tetor)
Jeta juaj në çift do vazhdojë të mbetet e stabilizuar edhe sot për ju që jeni në një lidhje. Do merreni vesh për çdo gjë me partnerin dhe bashkëpunimin tuaj do e kenë zili të gjithë. Beqarët do vazhdojnë të ëndërrojnë pafund, por pa pasur ndonjë gjë konkrete. Në planin financiar nuk duhet të ndërmerrni asnjë lloj rreziku sepse shumë shpejt do keni nevoje për më shumë para.
8-Akrepi (24 tetor-22 nentor)
Ditë jo e mirë do jetë kjo e sotmja për të dashuruarit, do jeni shumë strikt dhe shumë xheloz ndaj partnerit, për asnjë çast nuk do mbizotërojë qetësia në cift. Beqarët do jenë në humor të mirë dhe gati për të bërë edhe çmenduri të vogla. Për ta e rëndësishme është të mos jenë vetëm. Buxheti më në fund do ekuilibrohet ndjeshëm. Kjo do mundësojë edhe ndonjë shpenzim me tepër se zakonisht.
9-Shigjetari (23 nentor-21 dhjetor)
Pranojni kritikat që do ju bejë partneri juaj sot sepse ai do ketë plotësisht të drejtë, mbrëmja mes jush do jetë fantastike. Beqarët nuk do arrijnë dot të bëjnë për vete personin që pëlqejnë, por miqtë nuk do i lënë të mërziten për asnjë çast. Sektori i financave do jetë përgjithësisht i qëndrueshëm dhe do dini si ta menaxhoni.
10-Bricjapi (22 dhjetor-20 janar)
Dita e sotme do ketë vështirësi të vogla sot, por asgjë për t’u shqetësuar. Çdo gjë duhet marrë sa më shtruar që të jetë e mundur. Beqarët do kenë njohje te reja gjatë ditës dhe një takim i shumëpritur do ndodhë sot ,mjaft gjëra do të ndryshojnë sot për ta. Në planin financiar fati do jetë në anën tuaj, dhe do të shpenzoni pa problem.
11-Ujori (21 janar-19 shkurt)
Ditë e mbushur me probleme do jetë kjo e sotmja për të dashuruarit, do jeni të dy palët kokëfortë dhe nuk do i pranoni gabimet që keni berë. Beqarët duhet të jenë më të hapur ndaj takimeve sepse mundësitë që do iu jepen sot do jenë vërtet interesante. Buxhetin do e mbani gjithë kohës nën kujdes dhe gjendja nuk do ketë aspak probleme. Mund të bëni edhe ndonjë investim.
12-Peshqit (20 shkurt-20 mars)
Ditë me shumë fat do jetë kjo e sotmja për ata që janë në një lidhje. Do i zgjidhni që në mëngjes disa hatërmbetje me partnerin dhe do ndiheni gati për të marrë vendime. Beqarët nuk do jenë gati të hedhin hapa, por nga ana tjetër nuk do i refuzojnë ftesat për njohje të reja. Buxheti nuk mund të rritet në mënyrë të menjëhershme kështu që nuk mund ta kërkoni me ngulm këtë gjë.
Discussion about this post