Mbrëmjen e sotme ish-kryeministri Sali Berisha ka deklaruar se në hotelin e deputetit socialist, Sadri Abazi në Golem ku janë akomoduar emigrantët e ardhur nga jashtë vendit për periudhën 14 ditore të karantinimit, ka ndërruar jetë pa ju ofruar ndihmë mjekësore një person.
Burime për Fax News bëjnë me dije se është e vërtetë se një person ka ndërruar jetë tek një resort në Golem dhe ka qenë në periudhën e karantinimit.
Të njëjtat burime pohojnë se ai është larguar nga dhoma e tij që mban numrin 50 por fillimisht nuk dihej për arsyen dhe se kush e ka larguar.
Fax News mëson se Bajram Luzi, 65-vjeç, nga Lapardhaja e Beratit ka ndërruar jetë 4 ditë më parë ndërsa ngjarja është mbajtur e fshehtë. Ai kishte ardhur nga Italia dhe duhej të kalonte 14 ditë në karantinë para se të kthehej tek familja e tij ndërsa ishte rikthyer me fluturiumin e parë të riatdhesimit të shqiptarëve që kishin mbetur në vendin fqinj për shkak të masave ndaj koronavirusit.
Stafi i hotelit e ka mohuar diçka të tillë duke e përgënjeshtruar lajmin që fillimisht u dha nga Berisha, ndërsa insistimi për të mësuar më shumë për fatin e të moshuarit zbulon se ai jo vetëm ka ndërruar jetë por edhe merrte çdo ditë aspirina dhe ndihmë mjekësore, ndërsa kishte qëndruar për rreth 24 orë në dhomën e tij i pajetë pa e kuptuar askush.
Viktima ishte operuar disa ditë më parë dhe gjendja e tij shëndetësore ishte jo e mirë.
(F.GJ/FAXWEB.AL)
Discussion about this post