Avdullah Hoti me anë të një postimi ka ironizuar deklaratat e zyrtarëve të koalicionit PAN se i kanë numrat.
Hoti shkruan matematika qeverisëse nuk është një mbledhje e zbritje , por është besim dhe dashuri për vendin.
Ndërkohë që ka theksuar nuk do ta votojnë Haradinajn për kryeministër dhe nuk do të bëjnë asnjë pazar.
“Mbledhja konstituive e Kuvendit nuk po thirret. Ata që trumpetonin me ditë të tëra se e kanë në dorë konstituimin e institucioneve të dalura nga zgjedhjet e fundit janë heshtur. Pëshpëritjet e deritanishme se i kanë numrat më nuk i besojnë as militantët e tyre. Matematika qeverisëse nuk është një mbledhje e zbritje prej autodidakti. Ajo është besim, pikë së pari dhe dashuri për vendin. LDK mbetët e përkushtuar fuqishëm të dëshmoj si gjithmonë vokacionin e saj institucional e demokratik. Ne nuk blejmë as shesim votën e qytetarit tonë por e mbrojmë atë si gjënë më të shenjtë”, shkruan Hoti. (S.SH/Shuplaka)
