Analisti Artan Hoxha i ftuar në emisionin “Aktualitet” në Fax News, të gazetarit Bejdo Malo, duke folur për gjendjen aktuale politike në vend ,deklaroi se gjendja aktuale e vendit është vepër e aksionit politik të Edi Ramës. Hoxha deklaroi se kjo pengmarrje e Rilindjes duhet të marrë fund me metoda joformale.
Për sa i përket Reformës Zgjedhore, Hoxha deklaroi se kjo është edhe një lloj çështje pjekurie politike e elektoratit, pasi nëse elektorati nuk interesohet për programin, vështirë se do të letë ndryshime.
Po ashtu Hoxha deklaroi se duhet një reflektim poltik, brenda PS-së, e cila është marrë peng vetë nga Rilindja.
“Edi Rama është autor i asaj që ju po e quani pengamarrje e shqipërisë, ose është i papërgjegjshëm. Ne mbetimi tek se gjendja e sotme dhe është vepër e tij, e aksionit të tij politik dhe për pasojë nuk ka si të ketë pengesë për rezultatin që ka arritur. Nuk ka pendesë. Jemi në një gjendje që Rilindja e ka marrë peng këtë vend. Nuk mund të kthehemi në 2013, ku ishte një fitore e pastër dhe masive. Ishte e ngarkuar me goxha krim, por nuk ishte pengmarrje, ndërkohë që 2017 edhe me përgjimet e publikuara nga Bild, tregon që kemi një pengmarrje si një bashkëpunim banditesk. Dhe kjo pengmarrje kërkon çlirim në metoda jo formale. Prandaj opozita u detyrua të mos marrë pjesë në zgjedhjet lokale, u detyrua që të djegë mandatet.
Në 2017 Lulzim Basha hyri në një marrëveshje dhe i qendroi asaj marrëveshje deri në ditën që u zhgënjye nga partneri i tij Edi Rama, i cili kishte krehur territorin me metoda që dolën dhe në përgjimet e Bild.
Një sistem kushtetues i çbalancuar është i destinuar që të bëjë dëm për vendin. Nuk është vetëm kjo sesi do të rishkruhet mënyra sesi bëhen zgjedhjet. Është çështje pjekurie politike. Një pjesë e elektoratit u dehën nga timoni. Nëse elektorati të jep votën pa u interesuar çfarë program ke, vështirë të ndodhin ndryshime. Duhet të kemi një pjekje shoqërore por edhe një reflektim poltik, edhe brenda PS-së, e marrë ajo peng në rradhë të parë nga Rilindja.”- u shpreh Hoxha.
(M.Q/Faxweb.al)
Discussion about this post