E marta e tretë e marsit është një nga ditët më të rëndësishme për besimtarët e krishterë por jo vetëm. Pothuajse të gjithë shqiptarët besimtarë e deri tek ata më ateistët e njohin konceptin e “13 të Martat e Shenjta”.
“Të Martat e Shenjta” kanë nisur ditën e sotme dhe zgjasin rreth tre muaj ku finalizohen me Natën e Madhe të Shën Ndout, më 13 qershor.
Historia tregon se ky ritual u ka mbijetuar viteve të vështira të komunizmit dhe vazhdon ende sot të festohet dhe besohet.
Ndjekja e “13 të Martave të Shenjta” kryhet në Kishë e cila ngrihet në kodrën e qytetit të Laçit.
Gjatë gjithë ditës mbahet mesha, dëgjohen në oborrin e Kishës së Shën Ndout lutjet drejtuar Zotit dhe këngët e adhurimit.
Qindra njerëz nga e gjithë Shqipëria, por jo vetëm mbajnë gjallë këtë ritual, i cili duket se nuk do vdes kurrë.
Discussion about this post