Ish-ministri i Drejtësisë, Ylli Manjani i ftuar në emisionin“Arena” ka thënë se vlerëson nismën e Partisë Demokratike për nisjen e diskutimit për reformën zgjedhore që tani.
Sipas tij, partitë po merren me të gjitha çështjet, përveç për çështjen kryesore që ka të bëjë me jetën e qytetarëve.
“E vetmja gjë pozitive që duhet vlerësuar tek nisma e Partisë Demokratike, për të folur tani. Por, këto kërkojnë diskutime shumë më profesionale sesa interesi i një partie, ndaj një tjetre. Situata politike nuk është e polarizuar dhe merr gjithë kohën e nevojshme për të trajtuar situatën.
Ndryshimet e vitit 2008 e deformoi këtë sistem. Me 48% nuk kishte fuqi të bënte dot qeverinë, por në Parlament, ka më shumë. Kemi një deviacion. Ja ku na doli Dushku në një formë tjetër. Ja ku e ke primin. Edhe ky sistem u tregua se në qoftë se ti luan, me 48% ke 50 e ca për qind të Parlamentit.
Nuk ka asnjë parti nuk është e sinqertë për atë që thotë. Ju pret barku për t’i lehtësuar punën vetes për të menaxhuar situatën zgjedhore që vjen. Qoftë për të zënë hapësirën politike se nuk ka as ngjarje. Po merremi me Prek Calin, me antikomunizmin, po merremi me reformën zgjedhore, asnjë fjalë për ekonominë.
Buxheti i shtetit është për faqe të zezë, asnjë fjalë për investimet që prekin jetën e njerëzve. Kjo është detyra e partive politike, të shkëpusin vëmendjen nga problemi kryesor. Kur duam të flasim për drejtësi në sistemin zgjedhor duhet t’i përgjigjemi; si përfaqësohen njerëzit? Sa është blera e votës? Si reflektohet në situatën social-politike? Këtu fitohen zgjedhjet pa program”, tha Manjani. (S.SH/Shuplaka)
