Policia e Elbasanit ka arrestuar një 58-vjeçar i cili rezulton i dënuar nga gjykata me burgim të përjetshëm.
Bëhet fjalë për Meti Bozin, 58 -vjeçarin i cili është dënuar nga gjykata për vrasje. Meti Bozi është me vendbanim në Cërrik dhe mbi të ka rënduar vepra penale “Vrasje në rrethana cilësuese në bashkëpunim”. Gjykata e Krimeve të Rënda e ka dënuar 58-vjeçari më datën 22.12.2016. Sipas policisë Meti Bozi ka qenë i përfshirë në “Masakrën e Cërrikut” në vitin 1997. Ai është i përfshirë si autor dhe bashkëpuntor në 16 vrasje.
Njëkohësisht policia e Elbasanit ka vënë në pranga edhe Skënder Canon, 62-vjeçarin i cili është i dënuar me 13 vite burg nga gjykata. Dy personat kanë qënë pjestarë të Banës së Cërrikut.
Këta dy autorë janë dënuar për vrasje për shkak të cilësive të veçanta të gjashtë policëve dhe vrasjen e mbetur në tentativë për 16 efektivë të tjerë të policisë dhe Gardës së Republikës. Meti Bozi, Skëndër Cano dhe Llazar Bicja u shpallën të pafajshëm nga Apeli në shtator të viti 2012, vendim ky që u rrëzua nga Gjykata e Lartë në vitin 2015 dhe çështja u kthye për rigjykim në Shkallën e Parë të Krimeve të Rënda.
Në maj të vitit 1997 u sulmu me armë posta e policisë në qytetine Cërrikut dhe pas këtij sulmi Forcat e Gardës u nisën nga Tirana për të netrualizuar situatën. Por sipas prokurorisë Garada u sulmua nga grupe të armatosura, të organizuar nga të pandehurit, ku mbetën të vrarë gardistët: Besnik Sula, Sali Martini, Bashkim Mnella, Qemal Mehmeti dhe Petrit Ndoi, si edhe u plagosën 16 të tjerë. (J.V/Shuplaka)
