Prokurorisë së Posaçme Anti- Korrupsion i janë shtuar kompertencat. Ajo nuk do të ketë rol vetëm në reformën në drejtësi por dhe në zbulimin e terroristëve, raporton Report Tv.
Sipas ligjit “Për masat kundër financimit të terrorizmit” ky i jep akses drejtuesit të kësaj prokurorie tek informacionet apo të të dhënave në nivel kombëtar e ndërkombëtar mbi këtë fenomen të përhapur dhe në vendin tonë kohët e fundit.
Ligji i jep më tepër pushtet ministrit të Financave. Në variantin e vjetër të ligjit ministri mundej thjesht të propozonte në qeveri listën e personave të dyshuar si financues terrorizmi, por jo kishte kompetencë për nivel kombëtar dhe ndërkombëtar. Tashmë ministri mundet të veprojë edhe pa vendim qeverie, por dhe të bllokojë paratë e këtyre personave.
“Ministri i Financave mund të urdhërojë, pa njoftim paraprak, bllokimin e përkohshëm të fondeve dhe të pasurive të tjera, përpara nxjerrjes së vendimit përkatës të Këshillit të Ministrave. Kur kjo është e vetmja mënyrë për të parandaluar shmangien nga zbatimi i masave të parashikuara në këtë ligj duhet të njoftojë Prokurorin e Përgjithshëm dhe Drejtuesin e Prokurorisë së Posaçme, për efekt të procedimit të mundshëm penal“- thuhet në ligj.
Ligji autorizon ministrin që në raste dyshimi për shuma të mëdha financimi terrorizmi të thërrasë një komitet të posaçëm këshillimor me drejtues të lartë të Ministrisë Brendshme, të Jashtme, Drejtësisë, mbrojtjes, Prokurorisë së Përgjithshme, Prokurorisë së Posaçme, Shërbimit , Bankës së Shqipërisë dhe Drejtorisë së Parandalimit të Pastrimit të Parave . (J.V/Shuplaka)
