Prej kater ditesh 52 vjecari Shkëlqim Poçi nga fshati Polis në Librazhd ka humbur kontaktet me familjen. Të shqetësuar këta të fundit fillimisht kanë kryer denoncimin në polici dhe më pas iu drejtuan medias për ndihmë.
Sipas familjarëve 52 vjecari është me profesion mësues. Gjatë javës ai jepte mesim ne Librazhd, ndërsa në fundjavë i bashkohej familjes e cila jeton në Vlore. Hera e fundit që Shkëlqim Poçi humbi kontaktet ishte mëngjezi i datës 14 maj, nga shtëpia e së motrës në Mirakë nga ku mësohet se kishte qëndruar dy ditë. Sipas familjarëve i afërmi i tyre shpesh here abuzonte me alkoolin, ndaj i druhen faktit se dicka e rëndë mund ti ketë ndodhur në momentin që ka qënë i pavetëdijshëm.
Motra e tij shprehet se gjatë qëndrimit të tij në shtëpi kishte konstatuar sjelle të cuditshme , herë kontradiktore dhe depresive, madje i kishte kërkuar leke dhe ajo ia kishte dhënë. Ndërsa nëna e të humburit thotë se i biri për herë të fundit është parë teksa ka tërhequr para në nje banke te nivelit të dytë në Librazhd. Sipas familjarëve kjo është hera e parë që njeriu i tyre humb kontaktet në këtë mënyrë ndaj janë në ankth. Familjarët kërkojnë ndihmën e autoriteteve shtetërore të zbulojnë fatin e njeriut të tyre dhe gjithësecilin që mund ta ketë parë të lidhet me ta.(B.H/Faxweb)
