Humb kontrollin e mjetit dhe del nga rruga, plagoset shoferi në Devoll dhe dy pasagjerët

Nga një aksident tre persona kanë mbetur të plagosur pak pas mesnate në Devoll. Ngjarja ka ndodhur rreth orës 01:30, në aksin rrugor Kapshticë-Bilisht, teksa një mjet tip “Land Rover”, me targa AA 273 MG, me drejtues shtetasin E.M, rreth 28 vjeç, banues në Vranisht-Devoll, ka dalë nga rruga

Për pasojë, ka marrë lëndime drejtuesi i mjetit, si edhe dy pasagjerët shtetasja I.M, rreth 22 vjeçe banuese në Bilisht, dhe shtetasi N.Xh, rreth 25 vjeç, banues në Koshnicë, në Devoll.

Të aksidentuarit janë transportuar menjëherë në spitalin e Korçës, ku kanë marrë ndihmën e parë dhe ndodhen nën kujdesin intensiv të mjekëve.

Sakaq, po punohet për sqarimin e rrethanave të aksidentit. (J.V/Shuplaka)