Humb kontrollin e mjetit, shoferja përplas të miturin 9-vjeçar

Një aksident është shënuar ditën e sotme në Mat, ku drejtuesja e një mjeti ka aksidentuar një fëmijë 9 vjeç.

Burime të policisë bëjnë me dije se shtetësja e identifikuar si Blerina Rami 21 vjeç, nga Burreli, ka humbur kontrollin e mjetit dhe ka dalë nga rruga. Për pasojë ka përplasur të miturin 9-vjeçar me iniciale N. K., i cili është transportuar për në Tiranë në gjendje të rëndë shëndetësore.

“Në pranga u vu Blerina Rami pasi kjo shtetase, në një segment rrugor  në periferi të qytetit  Burrel,  duke drejtuar automjetin tip “Mercedez Benz”,  ka humbur kontrollin mbi automjet  duke aksidentuar  fëmijën me iniciale N.K, 9 vjeç, i cili ndodhet për ndihmë më të specializuar në spitalin e traumës Tiranë, në gjendje të rëndë.”, citohet në njoftimin e policisë.

Materialet procedurale për këtë rast i janë kaluar Prokurorisë së Rrethit Gjyqësor Mat.